Kryetari i Bashkisë së Bağcilar Lokman Çaĝirici viziton Skraparin – Kryetari i Bashkisë Skrapar Nesim Spahiu “të interesuar që këtë bashkëpunim t’a çojmë më tej!”

Kryetari i Bashkisë Skrapar, z.Nesim Spahiu mikpriti këtë të shtunë, Kryetarin e Bashkisë së Bağcilar, Turqi z. Lokman Çaĝirici si dhe Sekretarin e Përgjithshëm të Unionit Botëror të Shoqatave të Bashkive Turke Dr. Fahri Solak. “Një pritje e ngohtë dhe miqësore” – kështu u shpreh ndër të tjera Sekretari i Përgjithshëm i Unionit Botëror të Shoqatave të Bashkive Turke Dr. Fahri Solak, mbi pritjen e nderit të mbajtur në mjediset e bashkisë Skrapar. Në takim nderonte me praninë e tij edhe deputeti z.Nasip Naço. Gjatë vizitës 1 ditore, fillimisht ndalesa e parë ishte në mjediset e Bashkisë Skrapar.

Në fjalën e mirëseardhjes, Kryetari i Bashkisë Skrapar z.Nesim Spahiu tha:

I nderuar z.Lokman!
I nderuar z. Fahri!
Të nderuar pjesëmarrës!
Është kënaqësi për mua, t’ju mirëpres në këtë vizitë edhe përse zoti Lokman e viziton për herë të dytë Skraparin
Siç mund t’a shihni gjatë këtyre 2 viteve e gjysëm, nga vizita juaj e fundit, Skrapari ka pësuar një sërë ndryshimesh si pasojë e investimeve të kryera nga vetë bashkia, investime të kryera nga buxheti i shtetit si dhe investime të kryera nga fondacione të ndryshme sidomos gazsjellësi Trans Adriatic Pipeline. Natyrisht, këto investime kanë sjell një impakt pozitiv, si në gjendjen ekonomike dhe sociale të banorëve por edhe në shtimin e numrit të turistëve që këto 2 vitet e fundit ka qënë një numër shumë më i madh se nga herët e tjera, duke e kaluar numrin 50 000 turistë.

Skrapari ka shumë resurse turistike, por unë do të përmendja dy nga më të rëndësishmet që vizitohen më shumë: 1.Kanionet e Osumit dhe 2.Parku Kombëtar i Tomorrit.
Këto ditë ne kemi hapur edhe sezonin turistik ku kemi patur të pranishëm Presidentin e Republikës si dhe 5 ambasadorë, Ambasadoren e Kinës, Polonisë, Sllovakisë, Serbisë dhe Ambasadorin e Kuvajtit.
Kjo tregon se është rritur interesi për të vizituar resurset turistike në Skrapar por ne n’a lind si detyrë që duhet të bëjmë më shumë sidomos në drejtim të akomodimit, pritjes së këtyre turistëve në mënyrë që qëndrimi i tyre të jetë dy ose tre ditë më shumë.
Natyrisht krahas donatorëve të shumtë që ka patur Bashkia jonë, unë ju falenderoj edhe për mbështetjen që n’a keni dhënë si Bashkinë Bağcilar ashtu edhe Sekretarin e përgjithshëm të Unionit të Bashkive Turke me një dhurim që n’a ka bërë për një mjet zjarrëfikës si një formë për t’a thelluar më tej bashkëpunimin.
Ne jemi të intersuar që këtë bashkëpunim t’a çojmë edhe më tej, qoftë në aspektin ekonomik, social por edhe kulturor të shkëmbimit të eksperiencave midis dy bashkive.
Padyshim, që kjo vizitë do t’i shërbej këtij qëllimi dhe ju falenderoj përzemërisht edhe njëherë.

Fjala e Kryetarit të Bashkisë së Bağcilar (Turqi)
z.Lokman Çağırıcı
Së pari, dua t’ju falenderoj nga zemra.
Kjo është ardhja ime e dytë në Skrapar sikundërse edhe ju keni ardhur në Bağcilar – Stamboll, dhe në momentin që po vij për herë të dytë, pashë me krenari që Skrapari kishte ndryshuar dhe unë e pres me shumë gëzim, ndryshimin që ka përjetuar qyteti i Skraparit.
Si rrejdhojë, dua tju përgëzoj juve dhe ekipit tuaj për shkak të këtij zhvillimi që ka ndryshuar Skraparin dhe ka marrë një pamje të veçantë.
Turqia dhe Shqipëria edhe më parë kanë patur një histori të përbashkët dhe kjo ka ndikuar që të jemi edhe tani në të njëjtat marrëdhënie.
Edhe në Turqi, veçanërisht në Bashkinë që unë administroj, ka shumë shqiptarë që jetojnë aty.
Jam i interesuar që ne t’i forcojmë akoma më tepër marrëdheniet që kemi patur pavarësisht një shkëputjeje por që këtë shkëputje t’a rikuperojmë menjëherë dhe të rifillojmë marrëdhëniet ashtu siç kanë qënë më parë. Për të gjitha këto, unë ndihem i kënaqur dhe i emocionuar për shkak të se gjendem për herë të dytë, këtu, në Skrapar dhe shoh një atmosferë komplet ndryshe.

Mendoj se bashkitë, luajnë një rol shumë të vecante në përmirësimin e miqësisë të të dy vendeve dhe shpresoj që bashki të tjera të n’a bashkohen për t’a thelluar akoma më shumë këtë miqësi. Dua të ritheksoj, se edhe ne si bashki, jo vetëm si njësi administrative e Bağcilarit por edhe si Union i Bashkive jemi të gatshëm që t’a thellojmë këtë marrëdhenie akoma më tepër, të gatshëm që nisur nga ky nivel, me ritme me te shpejta t’i thellojmë marrëdhëniet tona.
Ne e shohim si një përgjegjësi historike këtë afrimitet dhe prandaj ne duhet të ecim me këto ide dhe këtë parim që ne t’a shohim njëri-tjetrin si një pjesë e historisë së shkuar.
Ne mabse nuk ju shohim shpesh, por ne kemi zemrën këtu, Zemra jonë është Shqipëri.
Shpresoj që këtë miqësi e këtë bashkëpunim t’a çojmë më tej dhe më lejoni të falenderoj veçanërisht edhe deputetin e zonës që kemi këtu.
Dhe ju bëj me dije se ju presim edhe ju në Bağcilar, në Stamboll

Fjala e deputetit të Kuvendit të Shqipërisë / Qarkut Berat
z.Nasip Naço
Faleminderit zoti kryetar, ju dhe perfaqësuesit e bashkisë Skrapar për ftesën që u keni bëre miqve tanë. Faleminderit për ftesën!
Si deputet, në fillim të çdo legjislature, ne n’a pyesin se: Në cilin grup miqësie doni të jeni?… dhe unë kam zgjedhur grupin e miqësisë me Turqinë.
Mund të zgjidhja edhe çdo grup tjetër perëndimor, por unë kam zgjedhur të jem anëtar i Grupi të Miqësisë me Turqinë, për shkak të traditës, historisë qoftë edhe për marrëdhëniet tuaja me Bashkine e Skraparit, për t’i forcuar këto marrëdhënie, duke vlerësuar eksperiencën tuaj, ndihmën tuaj.

Dua t’ju falenderoj edhe për kontributin si dhe dhuratën tuaj për Bashkinë Skrapar, si një pjesë e kontributit tuaj të ndihmës ndaj nesh. Besoj se kjo ndihmë dhe ky kontribut është bërë në kohën e duhur, personit të duhur dhe qytetit të duhur.
Herën e parë që ju keni ardhur, keni konstatuar edhe vetë ndryshimet që ka patur ky qytet si rezultat i punes së Kryetarit të Bashkisë por edhe stafit të Bashkisë që unë dua të t’i falenderoj. Në fund të fjalës sime dua t’ju falenderoj juve dhe nepërmjet jush, Qeverinë turke për kontributin që kanë dhënë me investimet në Shqipëri, dhe sidomos për projektin T.A.P.
Unë kam qënë Ministër i Ekonomisë dhe e di punën dhe kontributin e qeverisë turke pasi ka patur edhe një lobim që ky projekt të mos kalonte në Shqiperi.
Andaj ka qënë kontributi i Qeverisë turke, dhe për këtë dua t’ju falenderoj edhe në emër të gjithë zonës së Skraparit, si deputet i saj për këtë kontribut.
Faleminderit!

Fjala e Sekretarit të Përgjithshëm të Unionit Botëror të Shoqatave të Bashkive Turke
dr.Fahri Solak
Unë dua t’ju falenderoj nga zemra për këtë pritje të ngrohtë e miqësore!
Një ndër 26 shtetet me të cilat punojnë Bashkitë e Unionit Turk është edhe Shqipëria.
Deri tani, kemi 13 bashki anëtare në këtë grupim dhe ne mendojmë që t’i thellojmë marrëdhëniet me këto 13 bashki dhe qe pse jo, të shtohet edhe numri i bashkive të tjera që duan të anëtarësohen, në Unionin e Bashkive Turke.
Kryetari n’a ka vizituar ne, përpara disa kohësh dhe ne ndihemi me fat të realizonin kthimin e vizitës këtu në Shqipëri.
Në momentin që pamë veçoritë, karakteristikat natyrore të bukura të Skraparit, e kuptuam vërtet që ne jemi vonuar në këtë vizitë.
Ne, zakonisht punojmë me qytetet e bashkive të cilat janë anëtarësuar në Unionion e Bashkive Turke, dhe mendojmë që këto qytete të binjakëzohen, dhe ne do punojmë për këtë projekt. Kështu menduam edhe që njësia administrative e Bağcilar të kishte një rol këto binjakëzime mes bashkive binjakëzimi mes Skraparit dhe Bağcilar u pa shumë i përshtatshëm nga kryetari i bashkisë Bağcilar, dhe sa u bë e mundshme ky binjakëzim, ne erdhëm.
Shpresojmë që këtë zjarrëfikëse të mos t’a përdorni kurrë për zjarre por për vaditje të kopshteve të lulishteve.
Më lejoni sot t’ju falenderoj e t’ju uroj suksese të mëtejshme!

Hapja e Sezonit të Ri Turistik – Fjala e plotë e Kryetarit të Bashkisë Skrapar

Fjala e plotë e Kryetarit të Bashkisë Skrapar z.Nesim Spahiu në Ceremoninë Zyrtare të “Hapjes së Sezonit Turistik – Skrapar 2018”

I nderuar Shkëlqesia e tij, President i Republikës së Shqipërisë, z.Ilir Meta!
Të nderuar Ambasadorë!
Të nderuar Deputetë!
Të nderuar drejtues të pushtetit lokal!
Të nderuar Pjesëmarrës!

Kam nderin dhe privilegjin e madh që të nis këtë aktivitet të veçantë “Hapja e Sezonit Turistik e Bashkisë Skrapar” dhe me këtë rast dëshiroj që t’ju uroj “Mirëseardhjen në Skrapar”.

Turizmi në Skrapar, më parë konsiderohej si një turizëm stinor, i lidhur vetëm me Raftingun, me disa muaj turizëm në varësi të nivelit të ujit të lumit.

Bashkia, duke parë potencialet natyrore që ka Skrapari, traditat e mikpritjes, e cilësinë e produkteve tipike e vlerësoi sektorin e turizmit si sektor prioritar për zhvillimin e zonës dhe në funksion të tij hartoi dhe strategjinë mbështetëse.

Një projekt i suksesshëm i realizuar nga Bashkia jonë së bashku me një grup ekspertësh italianë në fushën e turizmit, solli si produkt të tij projektin “Zhvillimi i mundësive për Promovimin e Skraparit”.

Ky projekt, realizoi infrastrukturën plotësisht të munguar në këtë fushë si, sinjalistika, investimet pranë destinacioneve turistike si dhe promovimin më të mirë të saj.

Zbatimi me sukses i këtyre projekteve dhe projekteve të tjera në bashkëpunim me T.A.P. dhe Fondacionin Amerikan të Zhvillimit ka rritur ndjeshëm numrin e turistëve përtej parashikimeve të pritshme.

Numri i turistëve të ardhur për sportin e Rafting, është dyfishuar: nga 6 në 12 mijë turistë, ndërsa numri i turistëve që vijnë në zonë 50 mijë.

Sot turizmi në Skrapar nuk është më turizëm stinor ai tashmë është shndërruar në turizëm gjthëvjetor.

Por përtej numrit në rritje të turistëve ka ende punë për t’u bërë, për akomodimin e zgjatur ditor të tyre në mënyrë që turisti të mos qëndroj një ditë por disa ditë në Skrapar.

Bashkia jonë, në kuadër të bashkëpunimit rajonal po punon me bashkitë Gjirokastër, Berat dhe Përmet, për hartimin e paketave turistike dhe projektit “Udhëto sipas mënyrës tënde”.

Ky projekt do të konkretizohet vitin e ardhshëm dhe pritet të ketë një impakt pozitiv në zhvillimin e zonës.

Bashkia po inkurajon fermerët e zonës përgjatë Luginës së Osumit, për të investuar në shtëpitë e tyre, për t’i shndërruar ato në struktura akomodimi.

Kjo formë turizmi do të jetë dhe mundësia për zhvillimin e qëndrueshëm ekonomik të kësaj zone.
Bashkia jonë, është një bashki e vogël me një buxhet modest të papërballueshëm për nevojat e zonës por që kemi miq të shumtë, të mëdhenj e bujarë që n’a kanë ndihmuar me donacione.

Investimet e kryera në zonë vetëm për këtë vit i kalojnë një milion euro.
Ndër to, përmendim donacionet e projektit T.A.P. në
“Rikonstruksionin e Kopshtit të Lagjes – 2 Dhjetori”, me vlerë 500 mijë euro;
Ujësjellësit të fshatit Vëndreshë, me vlerë 230 mijë euro,
Rikonstruksioni i kopshtit të lagjes “5 Shtatori” i realizuar nga Ambasada e Kuvajtit, me vlerë 220 mijë dollarë
Një mjet zjarrëfikës, nga “Shoqata e Bashkive Turke”, me vlerë 120 mijë euro.

Duke përfituar nga rasti, dua të t’i falenderoj të gjithë donatorët për kontributin e tyre, në ndihmë të bashkisë dhe komunitetit të saj.
Unë besoj, se e ardhmja e Skraparit do të jetë zhvillimi i tij nëpërmjet turizmit.

Mesazhi im për qeverinë do të ishte finalizimi sa më i shpejtë i projekteve të nisura në infrastrukturë.

Fermerët duhet të mposhtin hezitimin, duhet të investojnë në shtëpitë e tyre e t’i kthejnë ato në shtëpi pritëse për turistët në mënyrë që të rriten kapacitetet akomoduese.

Bashkia Skrapar do të jetë në mbështetje të fermerëve duke i dhënë ndihmë dhe asistencë institucionale në aplikimin dhe përfitimin e grandeve.

Ajo se çfarë kërkon dhe vlerëson turizmi sot, është ruajtja e traditës dhe origjinaliteti i produkteve tipike të zonës për t’a bërë Skraparin një vend më të vlerësuar, që turizmin e ka prioritet.
Ju Faleminderit!
Skrapar, 09.05.2018

Ambasadorja e Republikës Popullore të Kinës, znj.Jiang Yu viziton Bashkinë Skrapar

Kryetari i Bashkisë Skrapar z.Nesim Spahiu mikpriti sot në një vizitë të veçantë nderi, Ambasadoren e Republikës Popullore të Kinës, znj. Jiang Yu. Mesazhet e bashkëpunimit dhe vizionet e reja për t’a bërë zonën e Skraparit një destinacion të turizmit dhe investimeve, ishin këto disa ndër temat që dominuan gjatë këtij takimi. Në fjalën e mirëseardhjes Kryetari i Bashkisë Skrapar z.Nesim Spahiu theksoi potencialet që ka zona e Skraparit duke e vënë theksin tek atraksionet kryesore turistike si Kanionet e Osumit dhe Mali i Tomorrit si pjesë e turizmit fetar por edhe e parqeve të mrekullueshme natyrore, që çdo vit tërheqin mijëra vizitorë vendas e të huaj. Kreu i bashkisë, z.Nesim Spahiu prezantoi edhe disa projekte të rëndësishme që i japin një zhvillim ekonomiko-social Skraparit duke përmendur projektin Trans Adriatic Pipeline (T.A.P) apo projektet e saponisura për fshatrat turistikë. Ambasadorja e Republikës Popullore të Kinës znj.Jiang Yu shprehu falenderimin për mikpritjen, që merr një rëndësi të veçantë gjatë këtyre ditëve në të cilat Skrapari nis zyrtarisht “Hapjen e Sezonit Turistik Skrapar – 2018” si dhe ftoi për prani në një event ndërkombëtar që pritet të mbahet së shpejti në Kinë. Gjatë fjalës së saj ajo shprehu mbresat për bukuritë e natyrës së Skraparit dhe përpjekjet për shtim të numrit të turistëve kinez në vendin tonë. Vetëm vitin që kaloi rreth 10.000 shtetas të Republikës Popullore të Kinës vizituan Shqipërinë dhe ky numër do të vij në rritje vit pas viti. Takimi u zhvillua në një frymë miqësore dhe optimizmi për bashkëpunimet e ardhshme. Kreu i Bashkisë Skrapar z.Nesim Spahiu në shenjë simbolike i dhuroi pllakatën e nderit të Bashkisë Skrapar, Ambasadores së Republikës Popullore të Kinës znj. Jiang Yu. Po ashtu, nga sot në Bashkinë Skrapar një pllakatë simbolike e Ambasadores së Republikës Popullore të Kinës znj. Jiang Yu do të qëndroj mes vitesh si një urë e fortë miqësie dhe bashkëpunimi mes dy vendeve.