Festa e Qershisë 2026 – Vërzhezhë, SKRAPAR

Mes natyrës së mrekullueshme të Skraparit dhe aromës së frutave të stinës, Vërzhezha mirëpriti këtë vit Festën e Qershisë, një aktivitet që promovon traditën, punën e fermerëve dhe produktet bujqësore të zonës.

Vërzhezha njihet si një nga zonat kryesore prodhuese të qershisë në Skrapar, ndërsa kjo festë shërben si një urë lidhëse mes prodhuesve vendas, vizitorëve dhe tregut lokal.
Përveç ekspozimit dhe degustimit të qershive të freskëta, aktiviteti sjell atmosferë festive me muzikë, këngë e valle tradicionale, produkte artizanale dhe mundësi për të njohur më nga afër mikpritjen e zonës.

Vizitorët kanë mundësinë të përjetojnë nga afër traditën e vjeljes së qershive dhe të shijojnë produktet karakteristike të Vërzhezhës.
Kjo festë është më shumë se një aktivitet sezonal, ajo është një festë e identitetit lokal, e punës së fermerëve dhe e dashurisë për tokën. Përmes saj promovohen vlerat e turizmit rural, zhvillimi ekonomik dhe traditat që e bëjnë Skraparin një destinacion të veçantë për çdo vizitor.