Month: June 2021

Vijon puna për zbatimin e projektit të menaxhimit të mbetjeve të ngurta, duke nxitur ndërgjegjësimin dhe edukimin e qytetarëve mbi menaxhimin e mbetjeve.

• Në bashkëpunim me Bashkinë Skrapar u ngritën 2 grupe riciklimi përkatësisht në shkollën 9-vjeçare “Kahreman Ylli” dhe në shkollën e mesme “Ramiz Aranitasi”.

U shpërndanë çanta rrobe për banorët nga grupet ricikluese në qytet.

• U informuan banorët mbi rëndësinë e përdorimit të çantave dhe shmangien e përdorimit të qeseve plastike.

Në kuadër të zbatimit të Projektit të Menaxhimit të Mbetjeve të Ngurta në Qarkun Berat, financuar nga Konfederata Zvicerane nëpërmjet SECO:

• Bashkia Skrapar përfitoi një kamion për grumbullimin e mbetjeve urbane në zonat malore.

Në ceremoninë e dorëzimit të këtij mjeti, Zv. Shefi i Misionit të Ambasadës së Zvicrës Patrik Meier tha: “Menaxhimi i mbetjeve është diçka që i përket të gjithë popullsisë, sepse të gjithë prodhojnë mbetje, prandaj të gjithë duhet të mendojnë se si t´i trajtojmë ato”.

• Ky investim do të ndikojë drejtpërdrejt në përmirësimin e shërbimit për banorët në zonat periferike të qytetit.
• Do te shmangë krijimin e vendgrumbullimeve të paligjshme në këto zona, të cilat më parë për shkak të mungesës së shërbimit i hidhnin në terrene të hapura duke ndotur mjedisin e këtyre zonave.
• Bashkia Skrapar do ta shoqërojë këtë investim me nxitjen e rritjes së edukatës qytetare dhe me ndërgjegjësimin e qytetarëve mbi menaxhimin e mbetjeve nëpërmjet stafit të bashkisë dhe grupit të riciklimit që është krijuar me të rinjtë në Skrapar.