Lajme

Në ambientet e jashtme të gjimnazit të Çorovodës u zhvillua ceremonia e dhënies së titullit “Qytetar Nderi i Skraparit “, z. Xhafer Ibro (pas vdekjes). Të pranishëm në këtë ceremoni ishin ish nxënës, mësues bashkëkohës të z. Ibro, mësues dhe drejtues të arsimit në Skrapar, qytetarë të Çorovodës, si dhe familjarë, të afërm të tij. Në fjalën e rastit, Kryetari i Bashkisë, z. Adriatik Mema, duke vlerësuar vendimin e Këshillit të Bashkisë, u shpreh se: “Kam zgjedhur këtë oborr shkolle, pse këtu, ai jo vetëm punoi në vitet e para të pas mbarimit të universitetit, por edhe shfaqi gjithë aftësitë dhe dhuntitë e tij në fushën e mësimdhënies në lëndën e matematikës, me të drejtë e cilësuar si mbretëresha e shkencës”.

Me tej, në fjalën e tij, z. Mema vlerësoi rolin e z. Ibro në edukimin e brezave si mësues i matematikës në gjimnazit “Ramiz Aranitasi”, në promovimin në nivel kombëtar të metodave moderne në mësimdhënien e kësaj lende, si dhe kontributin e tij në zhvillimin e arsimit në Skrapar. Duke evokuar rolin e tij në kontekstin qytetar, z. Mema u shpreh: “Teksa caktova datën për këtë ceremoni, kam kontaktuar shumë njerëz që në një mënyrë apo një tjetër e njihnin Xhafën. Me qëllimin, për të më ndriçuar më mirë dhe për t’i bërë të gjithë ata bashkautorë të kësaj fjale, ju kam bërë atyre një pyetje: “Si e keni njohur ju Xhafer Ibron?”. Ja disa nga përgjigjet që kam marrë: “I avancuar për kohën”, “mësues erudit dhe i dashur për nxënësit”, “talent dhe me kulturë qytetare”, “jam me fat që kam marrë dije dhe kulturë nga Xhafa”, “person më vlera dhe ideale të larta”, “të gjithë ata që ai ka mësuar nuk kanë për ta harruar kurrë Xhafën, mësuesin e matematikës”.

Po për të njëjtën pyetje që thashë më lart, por në një tjetër këndvështrim, atë të njeriut civil dhe veprimtarit qytetar, përgjigjet që kam marrë, ishin të tilla si: “Një xhentëlmen i këtyre anëve”, “mendje hapur” “një elegant deri në detaje”, “një njeri që i rrinte ngushtë Skrapari”.

Në fjalën e tij ai solli, gjithashtu përpara te pranishmëve, kontributin e z. Ibro, gjatë shërbimit të tij në Ministrinë e Mbrojtjes. Ndërsa, i dorëzohej certifikata e titullit të nderit nga znj. Edlira Shkëmbi, Kryetare e Këshillit të Bashkisë, bashkëshortja e z. Ibro falënderoi Këshillin e Bashkisë Skrapar, për titullin e duke e konsideruar atë si një vlerësim të lartë për gjithë atë brez mësuesish që me punën, profesionalizmin dhe përkushtimin e tyre kanë kontribuar në edukimin e brezit të ri. Shumë emocionuese ishin edhe përshëndetjet e z. Sadik Xhaferraj, ish nxënës i profesor Ibros, i kolegëve të tij, z. Fiqiri Aliaj dhe z. Petrit Brokaj, si dhe e nxënëses të këtij gjimnazi Sibora Guri. Të gjitha ata sollën copëza kujtimesh nga puna dhe miqësia me z. Ibro. Të gjithë bashkoheshin në një pikë: vlerësimi për rolin e z. Ibro si mësues me pasion, si koleg, njeri intelektual dhe i përparuar për kohën që jetoi.

Në sheshin qendror të qytetit të Çorovodës, në datën 18.09.2020, u zhvillua ceremonia e dhënies së titullit “Qytetar Nderi” për Prof. Dr. Pëllumb Pipero. Ky titull ju dha me propozim të Kryetarit të Bashkisë Skrapar, Z. Adriatik Mema, miratuar me Vendim Nr. 24, datë 28.05.2020, të Këshillit të Bashkisë. Në këtë ceremoni përveç qytetarëve të shumtë të Skraparit, ishin të pranishëm edhe Ministri i Turizmit dhe Mjedisit Z. Blendi Klosi, Deputetët e Kuvendit të Shqipërisë Z. Spartak Braho dhe Z. Fadil Nasufi, Prefekti i Qarkut Berat Znj. Valbona Zylyftari, Kryetari i Këshillit të Qarkut Z. Donald Molishti, Kryetarët e Bashkive Ura Vajgurore dhe Poliçan Znj. Juljana Memaj dhe Z. Adriatik Zotkaj, Nënkryetari i Këshillit të Bashkisë Z. Besnik Demko, anëtarë të Këshillit të Bashkisë, qytetarë të Skraparit si dhe mjekë e familjarë të Dr. Piperos.

• Pëllumb Pipero, u lind në 23 Prill 1956, në Skrapar. Ai rrjedh nga një familje me emër në zonën e Tomorricës. Në vitin 1965, familja e tij shpërngulet për në qytezën e Vorës, në afërsi të Tiranës. Këtu, Z. Pipero, përfundoi arsimin tetë-vjeçar dhe më pas atë të mesëm, të cilin e kreu me rezultate të shkëlqyera. Në vitin 1977, ai filloi studimet në Fakultetin e Mjekësisë, të Universitetit të Tiranës, të cilin e përfundoi gjithashtu me rezultate të shkëlqyera.  Më pas, ai do të nisë një karrierë të larmishme profesionale, si mjek dhe si pedagog në Fakultetin e Mjekësisë. I specializuar në fushën e sëmundjeve infektive, ai do të mbajë, po ashtu, edhe detyra të rëndësishme në Institutin e Shëndetit Publik, si dhe Ministrinë e Shëndetësisë, duke mos ju ndarë asnjëherë punës së tij akademike si pedagog. Ai është anëtar dhe kryesues i një sërë organizatash profesionale në fushën e mjekësisë, ku do të veçonim anëtarësinë e tij në Bordin e Akreditimit dhe Certifikimit të Profesionistëve të Shëndetësisë, Kryetar i Komitetit  Kombëtar të Luftës kundër Kancerit, Kryetar i Taks Forcës për Strategjinë e Edukimit në Vazhdim, Koordinator Kombëtar i Projektit të Telemjekësisë në Shqipëri,

Në fjalën e tij të rastit Kryetari i Bashkisë Skrapar Z. Mema  duke vlerësuar rolin e mjekëve si dhe rolin e spikatur të Dr. Pipero, në përballimin e pandemisë së shkaktuar nga COVID-19,  theksoi: “Të gjithë jemi dëshmitar të kontributit të tyre profesional dhe human, të punës së tyre deri në kufijtë e lodhjes së tejskajshme, për t’ju shërbyer të prekurve nga ky virus, për të ndihmuar ata që vuajnë, për të shpëtuar jetë njerëzore. Në asnjë moment nuk u dorëzuan, por me shërbimin e tyre, u bënë inkurajimi më i madh për gjithë shoqërinë. Ndër ta është dhe Prof. Dr Pëllumb Pipero, i cili me punën e tij, në ndihmë të pacientëve të prekur, në artikulimet e tij publike, me këshillat e tij të çmuara dhe shumë profesionale, u bë shpejt njeriu që përçonte qetësi dhe siguri tek të gjithë qytetarët në mbarë vendin.”

Në vijim z. Mema shtoi se:  “Përgjatë atyre ditëve të vështira, në cilësinë e Kryetarit të Bashkisë, kam marrë shumë telefonata dhe mesazhe, nga qytetarë këtu në Skrapar, nga Skraparllinj që jetojnë ne Tiranë, Durrës, Vlorë dhe gjetkë, por edhe nga qytetarë të tjerë, të cilët kishin dijeni për origjinën e Doktor Piperos, të profesioneve nga më të ndryshmet, të cilët me dashamirësi kërkonin t’i paraqisja Këshillit të Bashkisë Propozimin për të nderuar Dr. Piperon, për gjithçka ju Doktor po bënit ditë pasdite në mënyrë aq intensive, me aq përkushtim dhe dashuri, gjithë ditën në spital dhe në mbrëmje deri vonë në studio e TV, në komunikimin me publikun.”

Kryetari i Bashkisë Skrapar, shprehu mirënjohjen për Kryeministrin Rama, i cili mbështeti fort këtë zë të qytetarëve, si dhe Këshillin e Bashkisë anëtarët e të cilit e votuan me unanimitet këtë propozim.

Nënkryetari i Këshillit të Bashkisë Z. Besnik Demko, i dorëzoi Prof. Dr. Piperos Certifikatën e titullit “ Qytetar Nderi”, me motivacion “Për veprimtari të shquar profesionale dhe akademike përgjatë gjithë karrierës së tij në fushën e mjekësisë, veçanërisht në atë të sëmundjeve infektive si dhe për kontributin e çmuar profesional e publik në përballimin e situatës së pandemisë së shkaktuar nga COVID-19”.  Z. Demko në fjalën e tij të rastit theksoi se: “Ky është i pari titull që ky Këshill Bashkie jep në këtë mandat të tijin.” Ai shprehu mirënjohje dhe falënderime për Dr. Piperon, për kontributin e dhënë gjatë përballimit të pandemisë së Covid-19.

Në këtë ceremoni, në fjalën e tij përshëndetëse Ministri i Turizmit dhe Mjedisit Z. Blendi Klosi falënderoi Kryetarin e Bashkisë Skrapar për propozimin dhe Këshillin e Bashkisë, si dhe shprehu mirënjohje të panumërta për punën e palodhur të Qytetarit të Nderit Prof. Dr. Pëllumb Pipero ku theksoi : “Sa mirë që sot jemi mbledhur për të vlerësuar një punë të një mjeku, një punë të një njeriu të ndershëm që përfaqëson një kontribut të jashtëzakonshëm, një lodhje dhe një sakrificë të madhe të një gjenerate që e quajtën gjenerata e atyre që i shërbyen luftës kundër armikut të padukshëm. Shumë Faleminderit Doktor për qetësinë e madhe që ju dhatë njerëzve, dhe shume faleminderit ju dhe kolegëve tuaj në spital që vazhdoni të luftoni edhe sot pa pyetur për jetën tuaj. Është një sakrificë e madhe, e njerëz të thjeshtë duan shumë t’ju puthin duart. Në emër të tyre dhe në emër të kolegëve tim deputetë, Shumë Faleminderit për kontributin e dhëne për të promovuar ketë ndjenjë të madhe Solidariteti”.

Kryetari i Bashkisë Z. Adriatik Mema, i jep Çertifikatë Mirënjohje aktores Ermelinda Shuka (Hidërshaj)

Në një ceremoni të organizuar në ambientet e Bashkisë Skrapar, aktores Ermelinda Shuka (Hidërshaj) iu dorëzuar Çertifikata e Mirënjohjes akorduar nga Kryetari i Bashkisë, në vlerësim të lartë të arritjeve të saj profesionale dhe artistike si dhe kontributit të saj të çmuar në promovimin e vlerave më të mira të Skraparit, brenda dhe jashtë vendit.

Ermelinda Shuka, u lind më 30 maj 1976, në Çorovodë, Skrapar. Këtu, ajo mori mësimet e para dhe kreu shkollën e mesme të përgjithshme. Në vitin 1995, ajo fillon studimet ne Universitetin e Arteve, Tiranë,  në degën e aktrimit dhe diplomohet në vitin 1999.

Që gjatë kohës së studimeve në Akademinë e Arteve, ajo filloi të angazhohej në Radio Televizionin Shqiptar, në programin e mëngjesit me regji të Ylli Pepos.

Në verën e vitit 1999, Ermelinda u transferua në Londër, ku edhe sot jeton me familjen e saj. Në vitin 2011, ajo mbaron studimet në degën Kontabilitet dhe Financë, në Metroloitan University, Londër.

Prezantimin e parë në Londër, ajo e bën në BBC që në vitin 2010, si pjesë e “The Archers”, radiodrama me e vjetër dhe me e dëgjuar në Mbretërinë e Bashkuar. Bashkëpunimi i saj me BBC vazhdon më pas me radiodrama të tjera të cilat janë vlerësuar me çmime të ndryshme.

Me pas, Ermelinda u bë pjesë e filmit dhe televizionit në Mbretërinë e Bashkuar,  si aktore dhe pjesë e produksioneve si “Hiena” në vitin 2014, “Darka” po në vitin 2014, dhe deri tek së fundmi në serinë televizive më të shikuar në Mbretërinë e Bashkuar, e titulluar “Bandat e Londrës”.

Në këtë film, ajo luan rolin e Mirlindës së bashku me bashkëshortin, Orli Shuka, i cili luan rolin e Luan Dushës. Tashmë ajo dhe bashkëshorti janë gati për t’u bërë pjesë në serialin e dytë të po këtij filmi.

Në bazë të Ligjit nr 111/2018 “Për Kadastrën” per Regjistrimin Fillestar të Pasurive të Paluajtshme Pyje dhe Kullota, në emër te Bashkisë SKRAPAR, Zonat Kadastrale:

1. ZK 1069, Backë
2. ZK 1102, Barc
3. ZK 1103, Barc Mal
4. ZK 1373, Cerenisht
5. ZK 1385, Cerovë
6. ZK 1419, Corotat
7. ZK 1420, Corovodë
8. ZK 1603, Faqekuq
9. ZK 1633, Floq-Rehovë
10. ZK 1735, Gjergjovë
11. ZK 1750, Gjogovicë
12. ZK 1818, Gostenckë
13. ZK 1835, Gradec Qëndër
14. ZK 1855, Gremsh
15. ZK 1856, Grepckë
16. ZK 1860, Grevë
17. ZK 1888, Gurazezë
18. ZK 1949, Helmës-Staraveckë
19. ZK 2000,Jaupas
20. ZK 2035, Kalanjas
21. ZK 2079, Kapinovë
22. ZK 2222, Koprenckë
23. ZK 2266, Krastë
24. ZK 2285, Krushovë
25. ZK 2304, Kuc
26. ZK 2389, Lavdar
27. ZK 2423, Leshnjë
28. ZK 2428, Leskovë
29. ZK 2464, Liqeth
30. ZK 2642, Melckë
31. ZK 2645, Melovë
32. ZK 2718, Mollas
33. ZK 2756, Muzhak
34. ZK 2798, Nikollarë
35. ZK 2803, Nishicë
36. ZK 2844, Osojë
37. ZK 2920, Përparim
38. ZK 3035, Postenë
39. ZK 3037, Potom
40. ZK 3050, Prishtë
41. ZK 3076, Qafë
42. ZK 3112, Qeshibesh
43. ZK 3138, Radesh
44. ZK 3190, Rogë
45. ZK 3200, Rovicë
46. ZK 3274, Selan
47. ZK 3310, Sevran i vogël
48. ZK 3520, Strafickë
49. ZK 3525, Strënec
50. ZK 3596, Therepel
51. ZK 3662, Turbohovë
52. ZK 3731, Veleshnjë
53. ZK 3738, Velush
54. ZK 3741, Vendreshë Mal
55. ZK 3785, Vishanj
56. ZK 3788, Visokë
57. ZK 3868, Zabërzan I ri
58. ZK 3889, Zaloshnjë
59. ZK 3946, Zogas

Në bazë te nenit 31 “Konsultimi Publik” është duke u kryer Regjistrimi Fillestar i Pasurive të Paluajtshme Pyje dhe Kullota , të regjistruara dhe Harta Treguese e Regjistrimit, për një periudhë kohe prej 45 ditësh. Periudha e afishimit do të jetë nga data 29.07.2020 – 13.09.2020 

Afishimi publik do të bëhet në adresën: Ambjentet e Bashkisë SKRAPAR. 

Nga e Hëna në të Premte: nga ora 10.00 në 13.00 dhe nga ora 14.30 në 19.00 

E Shtuna dhe e Diela: nga ora 10.00 në 16.00 

I lutemi qytetarëve dhe institucioneve shtetërore, të cilat zotërojnë pasuri të paluajtshme brënda kësaj zone kadastrale te drejtohen në ambiente e Afishimit Publik të Pasurive të Paluajtshme dhe të verifikojnë pronësinë e tyre ose të drejta të tjera reale mbi pasuritë e paluajtshme.

Të gjitha pretendimet duhet të paraqiten brënda afatit të Afishimit, pranë këtij ambienti dhe specialistit të ngarkuar me këtë detyrë. Shqyrtimi i tyre, gjatë periudhës së Afishimit Publik është falas.

Ju rikujtojmë të mos neglizhoni për të bërë verifikimet e nevojshme.

Dita e sotme shënon konkretizimin e kontratës së nënshkruar në 7 Shkurt 2020, me Shkëlqesinë e Tij Z. ITO Makoto, Ambasador i Japonisë në Shqipëri, përmes së cilës Bashkia Skrapar përfitoi një grant prej 76.320 (shtatëdhjetë e gjashtë mijë e treqind e njëzetë) Euro, akorduar nga Qeveria Japoneze. Përpjekja jonë për një qytet më të pastër dhe administrim cilësor të mbetjeve do të lehtësohet së tepërmi, duke rritur kapacitetet tona me një mjet të ri të grumbullimit të mbetjeve, si dhe 103 kontenierë, të siguruara nëpërmjet këtij granti.

Në emër të Bashkisë Skrapar dhe të të gjithë komunitetit, dëshiroj të shpreh mirënjohjen e thellë për Ambasadën e Japonisë në Tiranë, për Ambasadorin ITO Makoto dhe nëpërmjet tyre për Qeverinë Japoneze për këtë ndihmë me shumë vlerë, në kuadër të programit “Grante për Projekte të Sigurisë Njerëzore në Nivel Lokal”.

Nga sot, flamuri Japonez dhe logoja kuptimplote “From the people of Japan” do të jenë të pranishëm në rrugët e qytetit nën “shoqërinë” e logos së Bashkisë Skrapar, si dhe të një peizazhi të mrekullueshëm të kanioneve të Osumit.

Aq sa jam vlerësues për ndihmën e dhënë, po aq vlerësoj edhe fillimin e një bashkëpunimi të shëndetshëm me Ambasadën e Japonisë, i cili do të vijojë edhe me projekte të tjera, që ne si Bashki do të zhvillojmë në të ardhmen.

Është vërtetë kënaqësi të shohësh se si harta e ndihmës Japoneze në Shqipëri vjen duke u zgjeruar, jo vetëm në kuptimin gjeografik, por edhe sa i takon natyrës së projekteve që Ambasada Japoneze ka financuar, duke iu përgjigjur kësisoj nevojave të komuniteteve të ndryshme.

Ndërsa Bashkia Skrapar është ndër Bashkitë që përfiton nga ndihma bujare e popullit Japonez, është detyrë e jona si Bashki të promovojmë Japoninë tek qytetarët tanë. “Të mendosh për të tjerët” është një nga vlerat themelore të shoqërisë Japoneze. Kjo ndihmë që po n’a dorëzohet sot, është reflektim i shkëlqyer i kësaj vlere, krahas shumë të tjerave që e kanë bërë këtë vend kaq të zhvilluar dhe të begatë sot në botë.

Së fundi, dëshiroj të falënderoj stafin lokal të Ambasadës së Japonisë, stafin e Bashkisë si dhe kompaninë TIMAK, ndërveprimi profesional mes të cilëve, bëri të mundur realizimin në kohë dhe me cilësi të kësaj kontrate, të financuar nga Ambasada e Japonisë.