Skip to content Skip to left sidebar Skip to footer

Author: Eugen

Situata e Mbetjeve Urbane në Qark – Bashkia Skrapar merr pjesë në takimin e zhvilluar në Prefekturë

Rëndësia e çështjeve ambientale është një tjetër prioritet që Bashkia Skrapar vijon të ketë. Këtë të shtunë 21 shtator 2019 me një fokus  tek situata aktuale e gjendjes së mbetjeve urbane në qark, në një takim të zhvilluar nga Prefektja e Qarkut Berat znj. Valbona Zylyftari  të gjithë aktorët vendorë “skanuan” realitetin që flet për menaxhimin e mbetjeve urbane në bashkitë respektive. I pranishëm në takim ishte Ministri i Turizmit dhe Mjedisit, z.Blendi Klosi i cili theksoi ndër të tjera rëndësinë e përmbushjeve të standarteve dhe kritereve ligjore nga çdo autoritet për Vend-Depozitimet e mbejtjeve urbane, e më pas legalizimit dhe pajisjes me leje mjedisore për çdo vend-depozitim. Kostot e shërbimit morën një rëndësi në takim kjo pasi nevojiten objektiva të qartë të hartimit të projektbuxhetit 2020. Rritja e cilësisë së shërbimit do të ndikoj në jetën e mirë në komunitet andaj autoritetet vendore po analizojne raportin tarifë shërbim. Një rëndësi i’u dha në këtë takim edhe nismave mjedisore kundër përdorimit të plastikës dhe formave të ndryshme të  cilat mund të ndikojnë në senzibilizimin e nevojshëm për minimizimin e përdorimit të saj. Në vijim disa imazhe nga ky aktivitet.

Çorovodë – Ka nisur puna për rehabilitimin e aksit rrugor. Punime në vijim në rrugën “Arkitekt Kasëmi”

Bashkia Skrapar njofton drejtuesit e mjeteve se qarkullimi rrugor në rrugën “Arkitekt Kasëmi”, do të jetë i kushtëzuar për shkak të punimeve që po bëhen në këtë segment. Prej disa ditësh punimet kanë nisur nga kontraktorët dhe në disa pjesë qarkullimi i mjeteve bëhet në një korsi. Nën mbikqyrjen dhe bashkëpunimin me autoritetin vendor të Bashkisë Skrapar, segmenti i ri pritet të jetë me parametrat e një rruge të vërtetë, duke përfshirë sinjalistikat dhe kufizuesit e shpejtësisë që do jenë të pranishëm përgjatë segmentit duke shtuar sigurinë rrugore.

Së Bashku për të ndihmuar familjet e prekura nga tërmeti


KRYETARËT E BASHKIVE SKRAPAR, BERAT DHE KUÇOVË SOLIDARIZOHEN SË BASHKU PËR TË NDIHMUAR FAMILJET E PREKURA NGA TËRMETI.
Së bashku, Krerët e Bashkive të Qarkut tonë vizituan nga afër familjet e dëmtuara nga tërmeti në zonën e Golemit, së bashku me kryetarin e Bashkisë së Kavajës.
Bashkë me kryetarët e bashkive Skrapar e Kuçovë në mbështetje të kryetarit të bashkisë Kavajë vizituam disa familje të prekura nga tërmeti në zonën e Golemit.
Qeveria dhe pushteti vendor ka marrë tē gjitha masat për t’i ardhur në ndihmë këtyre familjeve që kaluan orë tejet të vështira.
#Rrezikukaloi, tani koha për të ndërtuar gjithçka mundemi!
#ShqipëriaSolidare

Dita Ndërkombëtare e Paqes “zbret” në Skrapar

Çdo 21 Shtator, Organizata e Kombeve të Bashkuara dedikon një datë globale për paqen. Me tematika të ndryshme, vit pas viti, sensibilizimi për rëndësinë e kësaj date, ndihet në gjithë botën. Këtë vit, Slogani i kësaj dite është Aksioni Klima për Paqe, dhe ai mbështetet në rëndësinë që duhet t’i japim mjedisit. Për këtë arsye Bashka Skrapar, përmes një takimi të hapur organizoi një aktivitet dedikuar kësaj date.

(more…)