Aktivitete

Ndarja Administrativo Territoriale, Njësitë Administrative dhe Fshatrat

Neni Nr.7 i ligjit Nr. 119/2014 “Për të drejtën e Informimit” Ligji Nr. 115/2014 “Për Ndarjen Administrativo – Territoriale të Njësive të qeverisjes Vendore në Republikën e Shqipërisë” Nenit 23&30 i ligjit Nr.139/2015 “Për vetëqeverisjen Vendore”
Ky Material publikohet: Në menunë ku lexon “Programi i Transparencës” në faqen zyrtare në internet të bashkisë Skrapar www.bashkiaskrapar.gov.al
Koha e shërbimit: Menjëherë
Organi që miraton: Sipas Akteve ligjore dhe nënligjore në fuqi
Përgjegjës për Publikimin: Kryetari i Bashkisë

Ndarja Administrativo Territoriale, Njësitë Administrative dhe Fshatrat
Bashkia Skrapar në territorin e saj ka një sipërfaqe prej 775 kilometra katror. Në bazë të ligjit Nr. 115/2014 “Për ndarjen Administrativo-Territoriale në Republikën e Shqipërisë” Bashkia Skrapar ka 8 njësi Administrative. Qëndra e Bashkisë Skrapar është qyteti Çorovodë. Në total Skrapari ka 105 fshatra. Çdo njësi administrative përfshin një numër fshatrash.

Njësia Administrative Qëndër

Njësia Administrative Qëndër: Kjo njësi përfshin 24 fshatra:
– Zogas
– Kalanjas
– Dhores
– Vëseshtë
– Polenë
– Osojë
– Grepckë
– Liqeth
– Rehovicë
– Orizaj
– Cerovë
– Veleshnje
– Nishicë
– Sharovë
– Çerenisht
– Buzuq
– Munushtir
– Radësh
– Koritë
– Mollas
– Gradec
– Vërzhezhë
– Slatinjë
– Strorë

Njësia Administrative Bogovë

Njësia Administrative Bogovë. Kjo njësi përfshin 9 fshatra:
– Bogovë
– Kakrukë
– Dobrushë
– Përparim
– Bargullas
– Novaj
– Nishovë
– Jaupas
– Selan

Njësia Administrative Vëndreshë

Njësia Administrative Vëndreshë. Kjo njësi përfshin 8 fshatra:
– Lavdar
– Spatharë
– Therepel
– Valë
– Vëndreshë e madhe (ose Vëndresha e Parë)
– Vëndreshë e Vogël ( ose Vëndresha e Dytë)
– Vëndreshë e Malit ( ose Vëndresha e Tretë)
– Ibro

Njësia Administrative Çepan

Njësia Administrative Çepan. Kjo njësi ka 14 fshatra:
– Çepan
– Muzhakë
– Rog
– Zabërzan i ri
– Zabërzan
– Blezënckë
– Malind
– Muzhënckë
– Sevran i Madh
– Sevran i Vogël
– Qeshibes
– Strënec
– Kakos
– Prishtë

Njësia Administrative Potom

Njësia Administrative Potom. Kjo njësi përfshin 12 fshatra:
– Potom
– Gjergjovë
– Koprënckë
– Gërmenj
– Visockë
– Qafë
– Helmës
– Backë
– Melskë
– Nikollarë
– Dyrmish
– Staraveckë

Njësia Administrative Leshnje

Njësia Administrative Leshnje. Kjo njësi përfshin 9 fshatra:
– Turbohovë
– Kapinovë
– Krastë
– Krushovë
– Faqekuq
– Gostënckë
– Leshnje
– Vlushë
– Bërsakë

Njësia Administrative Gjerbës

Njësia Administrative Gjerbës. Kjo njësi përfshin 14 fshatra:
– Mëlovë
– Zaloshnje
– Gjerbës
– Ujanik
– Gradec
– Strafickë
– Vishanj
– Barç i parë
– Barç i dytë
– Kuç
– Rehovë
– Grëmsh
– Gjogovicë
– Floq

Njësia Administrative Zhepë

Njësia Administrative Zhepë. Kjo njësi përfshin 16 fshatra:
– Grevë
– Posten
– Kovaçanj
– Gurazez
– Çorrotat
– Cericë
– Zhepë
– Leskovë
– Trebël
– Dunckë
– Rromas
– Tërrovë
– Dobrenj
– Buranj
– Luadh
– Shpatanj

Përfaqësuesja e Delegacionit të Bashkimit Evropian në Shqipëri znj.Nadia Kyuchukova viziton Bashkinë Skrapar – Nxitje për Aplikime nga Fermerët e Zonës dhe mbështetje financiare për aplikantët

Një takim u zhvillua në mesjavë në mjediset e Bashkisë Skrapar ndërsa në fokus ishte Mbështetja Konkrete që Bashkimi Evropian do të bëj për sektorin e agrokulturës në Skrapar. Ndërsa së shpejti priten që hapen aplikimet dhe të bëhen të ditura kriteret për mbështetjen financiare që do t’u jepet fermerëve dhe investimeve në agrokulturë, Bashkia Skrapar pranë zyrës së posaçme të Këndit të BE do të japë edhe konsulencat dhe mënyrat e aplikimeve të suksesshme që të gjithë fermerët të kenë mundësinë të përfitojnë nga skemat financiare që do akordohen në zhvillimin e sipërmarrjeve. Më herët, përfaqësuesja e Delegacionit të Bashkimit Evropian në Shqipëri znj.Nadia Kyuchukova zhvilloi një takim konsultativ mbi nxitjen dhe sensibilizimin e fermerëve në zonën tonë.
Gjatë fjalës së saj znj.Kyuchukova theksoi rëndësinë e këtij proçesi në mënyrë që produktet lokale të Skraparit të depërtojnë me standarte sigurie dhe çertifikimi në tregun evropian si dhe njëherësh mbështetjen e koncept-ideve, planeve të biznesit etj forma që çojnë në zhvillimin agrokultural. Drejtuesja Ekzekutive e Programit BPE “Bashkitë për në Evropë” znj.Jolanda Trebicka theksoi ndër të tjera rëndësinë e projektit në mënyrë të tillë, që kur thirrjet për aplikim të hapen, fermerët të jenë të informuar mbi hapat dhe nismat që duhen ndjekur. znj.Trebicka shprehu falenderimet për Nivelin e lartë të performancës që ka Koordinatorja lokale dhe Koordinatorja BackUp pranë Këndit të BE në Bashkinë Skrapar. Takimi u shoqërua me pyetje dhe diskutime të ndryshme mbi skemat e financimit dhe metodologjinë favorizuese që do të ketë për zonat malore ndërsa përfaqësuesit e Bashkisë Skrapar treguan gadishmërinë për mbështetjen e këtyre nismave dhe kërkuan proçedura sa më lehtësuese për të nxitur aplikimet e fermerëve nga çdo zonë e Skraparit. Me theksin tek produktet tipike të zonës, Ass.Prof. Florenc Kurtolli theksoi rëndësinë që kanë standartet e patentuara, çertifikimet ISO dhe detajet që duhet të ofrojnë siguri në tregun evropian. Sipas z.Kurtolli, fermerët e produkteve tipike në zonën e Skraparit duhet të zgjerojnë mundësitë që produktet e tyre të kenë sukses në tregun evropian duke respektuar standartet, krijuar brandet, markat dhe mbi të gjitha siguri. Në fund të takimit përfaqësuesja e delegacionit të Bashkimit Evropian në Shqipëri znj. Nadia Kyuchukova dhe Drejtuesja Ekzekutive e Programit “Bashkitë për në Evropë” vlerësuan pozitivisht takimin dhe shprehën konsiderata të larta për vizionin e Bashkisë Skrapar në nxitjen dhe përkrahjen e këtyre nismave.

Nisma e Bashkisë Skrapar u zhvillua në kuadër të Ditës Ndërkombëtare për të Moshuarit / Video

Këtë 1 tetor 2018, Bashkia Skrapar zgjodhi një formë ndryshe të përcjelljes së mesazheve për më shumë vëmendje e kujdesje sociale ndaj të Moshuarve. Në kuadër të ditës ndërkombëtare të të moshuarve, nisma “Lule për Ty” zbriti në rrugët dhe lagjet e qytetit duke promovuar rëndësinë e kësaj ditë dhe rolin e autoritetit vendor në ndërgjegjësimin e shoqërisë. Një material video, nga kjo ditë e gjatë shfaq përmbledhurazi nismën. Kryetari i Bashkisë Skrapar z.Nesim Spahiu në faqen zyrtare në facebook publikoi videon së bashku me këtë mesazh:
Mirënjohje dhe Urime për të Moshuarit në Skrapar.
Me një inisiative simbolike dhe modeste ne i uruam ata, ndryshe!
Nëpër rrugët e këtij qyteti ata janë historiku vetë, janë mirënjohja, respekti, dashuria që gjithësecili prej nesh duhet t’a shfaq në çdo ditë të vitit por që sot kulmon në Ditën Ndërkombëtare për të Moshuarit!
Ky qytet është më i shtrenjtë me ju… e kështu do të jetë ngaherë sepse… Jemi Bashkë! Përherë!

(Më poshtë video – kërkon akses në rrjetin social facebook)

Bashkia Skrapar nis “Dëgjesat Publike” në çdo njësi Administrative. Kryetari i Bashkisë Skrapar z.Nesim Spahiu në disa takime për Buxhetin 2019

Dëgjesat publike – kanë qënë këto kryefjala e këtij muaji shtator 2018 për Kryetarin e Bashkisë Skrapar z.Nesim Spahiu në një sërë takimesh të organizuara me përfaqësues të Njësive Administrative Vendore në juridiksionin e Bashkisë Skrapar, Pjesë e këtyre takimeve kanë qënë edhe të zgjedhurit si Kryetar të fshatrave. Këto takime janë kryer në kuadër të parapërgatitjeve për hartimin Projekt-Buxhetit për vitin 2019 të Bashkisë Skrapar dhe diskutimet kanë synuar të nxjerrin prioritetet specifike të zonave dhe sygjerimet e përfaqësuesve zonalë për nevojat që kërkojnë zgjidhje më imediate. Deri tani, takime të tilla janë zhvilluar në njësitë administrative Gjerbës, Bogovë, Leshnje, Zhepë. Së fundmi, edhe me Njësinë Administrative Qëndër u shkëmbyen idetë, mendimet dhe sygjerimet e kryetarëve të fshatrave, përfaqësuesve të kësaj njësie administrative mbi nxjerrjen e prioriteteve kryesore në të cilat duhet fokusuar puna jonë e përbashkët për hartimin sa më gjithëpërfshirës të buxhetit 2019. Në ditët në vijim takimet do të vijojnë në dëgjesat e pritshme për tre Njësitë e tjera administrative. Në vijim disa imazhe nga takimi më i fundit me Kryepleqtë dhe Përfaqësues të Njësisë Administrative Qëndër.

Skrapari Në Gotë – Mbahet në Bogovë, eventi që i Festës së Rakisë u mbajt në Bogovë

Bogova, një ndër ndalesat turistike natyrore të Skraparit, n’a bashkoi sërisht. Në datat e Festave lokale, aktiviteti “Skrapari në Gotë” bashkoi dje, qindra e qindra vendas e vizitorë, në një mbrëmje të veçantë në kuadër të përfshirjes së Bogovës në Programin “100 fshatrat turistikë”. Pija tradicionale, Rakia e Skraparit, gatimet tipike, kënga dhe urimet ishin ato që e bënë këtë mbrëmje të veçantë. E sikundër çdo urim bashkon njerëzit, dje Bogova bashkoi plot miq e të ftuar, artizanë dhe prodhues lokalë. Ishte nder për ne prania në këtë takim e figurave të rëndësishme që kanë dhënë e japin kontribut për Skraparin në mbështetjen e programeve zhvillimore të tij dhe duke ndihmuar me çdo përpjekje bashkinë tonë. Deputetet Spartak Braho, Nasip Naço, Fidel Ylli, Prefekti i Qarkut Berat Harilla Dafa si dhe Kryetari i Komunës Vaccarizzo Albanese Antonio Pomillo nderuan me praninë e tyre në festën që mblodhi Skraparin e traditave, zakoneve dhe vlerave brenda një gote plot mirësi duke e bërë Bogovën edhe më të bukur me festa të tilla që do të jenë pjesë e axhendave vjetore. Festa e gjatë kaloi nën muzikën popullore tradicionale të Skraparit dhe valleve tona duke e bërë festën edhe më të bukur…
Sepse Skrapari ngado… është një Festë e Pambarimtë!