Këshilli Bashkiak

Puna e Këshilli Bashkiak
Këshilli Bashkiak është organi vendimmarrës i qeverisë bashkiake i cili vendos në mënyrë kolektive:

a) Politikat për:

1. Shërbimet, nivelin dhe hapsirën e tyre, që duhet të sigurojë Bashkia.
2. Krijimin e të ardhurave vendore nepërmjet grumbullimit të taksave dhe tarifave.
3. Shpenzimet vendore.
4. Zhvillimet ekonomike, sociale, fizike, arsimore, kulturore dhe argëtuese.
5. Përfshirjen e banorëve në proçeset vendimmarrëse bashkiake

Zgjedhja e organeve të Qeverisë Bashkiake.

1. Këshilltarët Bashkiak zgjidhen direkt nga zgjedhësit ligjorë sipas listave shumë emërore partiake të shpallura para datës së zgjedhjeve. Për caktimin e këshilltarëve fitues merret parasysh përqindja e votave që ka marrë çdo subjekt politik konkurues.
2. Kryetari i Bashkisë zgjidhet direkt nga zgjedhësit me konkurim nominal. Autoriteti zgjedhor dhe emërues i Këshillit Bashkiak. “Ligji nr 139/2015, Detyrat dhe kompetencat e këshillit bashkiak
3. a) Zgjedh dhe shkarkon kryetarin dhe zëvendëskryetarin/rët e Këshillit.
4. b) Emëron dhe shkarkon sekretarin e Këshillit Bashkiak”. “Sekretari i këshillit emërohet dhe shkarkohet nga këshilli bashkiak, mbi bazën e propozimit të kryetarit të këshillit” (neni 37).

b) Çështjet Administrative:

Autorizon Bashkinë të hyjë në marrëdhënie kontraktuale për ofrimin e Shërbimeve Bashkiake.

c) Veprime:

Për t’u ndërmarrë, brenda hapësirës së autoritetit të tij, në të mirën të komunitetit që përfaqëson. Kryetari i Bashkisë si organi ekzekutiv është përgjegjës për ekzekutimin e këtyre politikave. Këshilltarët e këshillit mund të veprojnë si Këshill Bashkiak vetëm në rastet kur ato mblidhen sipas ligjit, statutit dhe rregullores si një organ qeverisës në një mbledhje të ligjshme. Shumica e Këshilltarëve apo të gjithë anëtaret e Këshillit mund të veprojnë në emër të Këshillit Bashkiak Skrapar vetëm në një mbledhje të mbajtur në mënyrë të ligjshme.
Çdo vendim i Këshillit i marrë në një mbledhje të mbajtur ndryshe konsiderohet i paligjshëm.

Parimet e punës së Këshillit Bashkiak duhet të jenë:

1. Këshilli i Bashkisë duhet të veprojë si nje organ i vetëm.
2. Këshilli duhet të proçedojë me punët e tij në mënyrën sa më efiçente.
3. Këshilli duhet të ndërmarrë veprime me së paku shumicën e Këshilltarëve.
4. Çdo Këshilltar i këshillit duhet të gëzojë të njëjtat të drejta në pjesmarrjen e tij në proçesin e vendimarrjes.
5. Regullorja e Këshillit duhet të respektohet në vazhdimësi.
6. Veprimet e Këshillit duhet të jenë rezultat i një vendimi të marrë me proçdurë të rregulluar dhe jo si rezultat i manipulimit të rregullave proçeduriale të miratuara nga Këshilli. “Numri i Këshilltarëve të Këshillit është 15 (pesëmbëdhjetë)